كام مرة كنت عايز تشتري حاجة ولقيت سعرها صدمك وتقعد تستنى التخفيضات عشان تعرف تجيبه وفي الآخر تداس في الزحمة وماتعرفش تجيب حاجة؟ الموقف ده بنتعرضله كلنا خاصة فى الـBlack friday بس في طريقة سهلة وبسيطة ممكن تجيب بيها اللي أنت عايزه بسعر مناسب وأنت قاعد في بيتك. جبنالك هنا مجموعة تخفيضات في مواقع أونلاين تقدر تشتري من عليها من على اللاب توب من غير ما تتحرك من مكانك وهم جوميا، سوق و lynks

1- jumia

جوميا السنادي عامل الـBlack Friday شهر مش يوم، بداية من ١٢ نوفمبر لحد ١٢ ديسمبر، هتلاقي تخفيضات على حاجات كتير وهنا هنقولك أكتر الحاجات اللي تعتبر صفقة رابحة بالنسبالك في الوقت المبروك ده من السنة

١- البرفيوم:

كان في مثل بيقولك الست اللي مابتحطش برفان ملهاش مستقبل، البرفان زي البصمة كدة حاجة أساسية في حياتك. وطبعًا ده مايمنعش إن الرجالة لازم تحط برفان برضه، كدة كدة جوميا عاملين تخفيضات بتبدى من ١٧٪ و بتزيد لحد ما توصل لفوق الـ٥٠٪

٢- Hoodies

معروف إن أسعار لبس الشتا مخيفة وممكن تعمل جمعية عشان تشتري جاكيت وترجع تأجره لأخواتك وتلم تمنه، الـhoodies من أكتر الحاجات المناسبة في الشتاء وبتجمع بين الشكل والدفا، في جوميا هتلاقي عليهم تخفيض في حدود الـ١٤٪ لحد تقريبًا ٤٠٪ و ٥٠٪

٣- الإلكترونيات:

في آخر يوم من شهر الـBlack Friday الجميل، جوميا عاملين تخفيضات على الإلكترونيات زي الموبيلات والتابلت، ده معناه إنك مش مضطر تبيع كليتك عشان تعرف تشتري موبايل جدبد. الماركات اللي داخلة بتقلها من ضمنهم Samsung, Xiaomi, Infinix, Lenovo, One Click, IKU, و Motorola، وخد التقيلة بقى، IPhone X ٦٤ جيجا هيتباع بنفس السعر اللي بيتباع بيه برّه. الموضوع مش موبايلات بس، ابسلوتلي، الحكاية كبرت، دخلت في الـ Smart Samsung TV عشان لما يوصل لـ٤٠٪ تخفيض وماتجيبوش يبقى تستاهل اللي يجرالك.

٤- الميك أب:

الشباب مش عارفين بنتكلم عن إيه، بس ممكن تقروا احتياطي عشان لو في أي مناسبة قريب وحابب تدلع المدام. ممكن تنتهز فرصة الـBlack Friday وتبقى عملت حساب الدنيا والأيام يمكن يحصل خناقة كدة ولا كدة وتحتاج تصالحها. بالنسبالك كبنت، افتحي شنطة المكياج بتاعتك وشوفي اللي ناقص فيها، روج كدة، مسكرة كدة، فونداشن مثلاً، دوري علي جوميا دلوقتي، على اللون أو الدرجة اللي عيزاها، وبعون الله هتلاقيها من ضمن الحاجات اللي عليها تخفيض ممكن يوصل لـ٥٠٪ ما فوق. احنا مش بنحكم عليكى طبعًا بس لو فوتي فرصة زي دي تبقي عبيطة. 

ممكن تشوف العروض من على الموقع أو تبعتلهم على الفيسبوك أو انستجرام 

٢- سوق:

كواحد من الرواد في مجال الأونلاين شوبنج، سوق كان أول موقع يدخّل الـBlack Friday مصر من ٣ سنين، بصرف النظر إنهم حولوه لـWhite Friday وخلوه يستمر لمدة ٣ أيام. الـblack Friday على سوق هيبتدي النهاردة في سلسلة من التخفيضات علي منتجات مختلفة.

سوق عاملين تخفيضات بقيمة نص مليون لحد يوم السبت والموضوع داخل فيه ماركات مهمة زي سامسونج، توشيبا، لووريال، نوكيا وغيرهم. الألطف بقى إن هيجيلك نوتفكيشن للتخفيضات أو أي تغير في الأسعار على المنتجات اللي حاططها فى الـ Shopping cart بتاعتك واللي هتوصل لحد ٧٠٪ تخفيض على أي حاجة ممكن تحتاجها، بداية من الموبايلات، تلفزيونات، تلاجات، كاميرات لحد الهدوم، البرفانات وحتى البامبرز لا مؤاخذة. 

وعشان نغزيك أكتر، سوق هتوصل كل الأوردرات اللي فوق ٣٠٠ جنيه ببلاش، بالإضافة لـ10% تخفيض على أي عملية شراء بكريديت كار. تقدر تشوف العروض من هنا

٣- Lynks

لينكس عايز يسهِّلها عليك، عشان كده عمل أبليكيشن يسهِّل عملية الاختيار والشرا. ده غير إنه بيقدم لك خصومات هتوصل لـ 100% على كل البضايع. مع خاصية متابعة الأوردر بتاعك من أول ما يطلع من المحل لحد ما يوصلك، بالإضافة لضمان ضد التلف. دلوقتي تقدر تنزِّل الأبليكيشن وتاخد بـ 100 جنيه بضايع.

شوف العروض من هنا أو ادخل على فيسبوك وانستجرام 

٤- Sharaf DG

عامل عروض كتير على الإلكترونيات، عشان تعرف هتستغل البلاك فرايداي ازاي.. شوف هيعمل تخفيضات على إيه:

1- iPhone 7 Plus

نادرًا ما بنلاقي عرض على الآيفون.. فرصة لُقطة يعني.

2- Dell Convertible Touch Laptop

عايز بروجيكتور؟ خد بروجيكتور

3- Samsung Refrigerator

لو بتجهِّزي، ناوية تجهِّزي.. شوفي التلاجة دي

4- Skull Candy Grind Headphone

العالم مكان سيء، انعزل عنه أحسن. السماعات دي هتضمن لك العزلة.

5- HP laptop

لابتوب يستحمل الشغل التقيل 

6- Samsung Smart Led TV

تلفزيون كبير بشاشة كبيرة، أفلام كتير وفشار كتير.

7- Seagate Backup Plus Portable Hard Drive

عشان الداتا ماتضيعش منك.

شوف أكونت انستجرام من هنا 
وبكدة نكون عملنا اللي علينا والباقي عليك، على الله تششتري حاجة في الآخر.