لو انت بتحب القراءة ممكن في أوقات تكون مكسل ترجع تقرأ، الحل في الأوقات دي بيكون القصص القصيرة اللي تخلصها في قعدة واحدة نص ساعة، ودي ترشيحات بـ 7 قصص قصيرة اختار منهم اللي يعجبك
ده اسم المجموعة القصصية كلها، ممكن تختار من جواها تقرأ ايه، لكن لو سألتنا هنرشحلك قصة "الشهيد" اللي بتحكي هيحصل ايه لو "الشيطان" عايز يتوب، ولجؤه للأديان المختلفة وردهم عليه، المجموعة كلها أفكارها صوفية ومختلفة ومبتحصلش في الواقع لكنها جميلة وتوفيق الحكيم اسلوبه بليغ.
دي هتقراها في اقل من 10 دقايق، القصة اللي فضلت في ذهني في فترة ما قبل الثورة واتعلقت بيها أكتر بعدها لأنها بتحكي عن جيل زي نجيب محفوظ وسعد زغلول وهما بيبصوا على مصر من السما، شايفين ايه وحاسين بايه، ومع كل حدث مهم بفتكر القصة دي وبفكر يا ترى بيفكروا ف ايه؟
هي رواية متصلة لكنها قصص منفصلة في نفس الوقت، طلال بيكتب بطريقة عذبة جدًا وسهلة وسلسة، اشتهرت رواياته الأخيرة "سرور" و"بليغ" بس القصص دي مخدتش حقها رغم استحقاقها.
أنا شخصيًا بحب الروايات أكتر من القصص القصيرة، لكن نجيب محفوظ ليه أسلوب تحبه في أي حاجة، هو كتب أكتر من مرة قصص قصيرة اتجمعوا في كتب مختلفة منها أرشيف مجلة الدوحة، و منها "رأيت فيما يرى النائم"، يمكن متعجبكش بس هتشوف جانب جديد من الأديب العالمي.
إحسان عبد القدوس كاتب مراهقين، قصص حلوة وخفيفة وفيها مشاعر وحب وفراق وهجر، تخليك تعيط وتضحك وتحن للحب القديم، القصة دي في مجموعة بتحمل نفس الاسم، وبتحكي عن حب لفتاة إسرائيلية، اقراها واحكم.
ده اسم المجموعة القصصية ودي قصة جواها، دي أول قصة قصيرة كتبها غسان كنفاني وكسب عنها جائزة الأدب الأولى، القصة كعادته بتتكلم عن الصراع الفلسطيني الإسرائيلي من خلال مدرس بيحاول يعلم اللاجئين، وشخص تاني بيسرق أكلهم والصراع ده.
القصة دي تحديدًا اللي بتحمل اسم "حجرتان وصالة" بيتم التحضير ليها كفيلم من وقت طويل وهيقوم ببطولته يحيي الفخراني، القصص شديدة العادية من الحياة اليومية وده سر جمالها، بتتكلم عن زوجتين في آخر عمرهم وحياتهم مع بعض.