• اكتب معانا
  • ماتنسناش
  • تابعنا
الموضوع اللي جاي
250 ألف جنيه شهريًا مساعدات من الأوقاف للطلبة الوافدين في الأزهر
الموضوع اللي فات
أخيرًا بقينا على الخريطة.. يوم في أول مهرجان للجيمز في مصر

"اعرفي راجلك وعلمي عليه" كتاب جديد لإسماعيل قاسم هيفهم الستات دماغ الرجالة

.
الكاتب إسماعيل قاسم

الستات مش شبه بعض، جنس واحد بس الاختلافات بينهم كتير وده الطبيعي، بس لو في حاجة واحدة مشتركة بينهم، ممكن تكون إنهم أوقات كتير مابيفهموش الرجالة. المعضلة دي اتعملت عليها أبحاث ودراسات كتير، لفهم سلوك الراجل والست ومحاولة الوصول لمناطق ماحدش وصلها قبل كده، وإلى جانب الأبحاث والدراسات اللي بتتكلم عن الموضوع ده، كان في كتب. إسماعيل قاسم واحد من الناس اللي عملوا كتب في المنطقة دي، وصدرله مؤخرًا كتاب "اعرفي راجلك وعلمي عليه" اللي بيحاول فيه إنه يقدم صورة للراجل من جوه ومن بره.

بيقولنا "قاسم": "كنت دايما عاوز اعمل كتاب، ده كان حلم طفولتي بس اتركن على الرف كتير لغاية ما قدرت أحققه. بدايتي كانت من السوشيال ميديا لما عملت فيديوهات تعيمية، ساعتها فكرة الكتاب جات في دماغي من تاني واتبنت واحدة واحدة". الفيديوهات اللي اتعرف بيها قاسم كانت كلها بتتكلم عن قضايا ومشاكل اجتماعية زي العلاقات، وحققت شعبية كبيرة، وكان بيجيله عدد كبير من الاستفسارات والأسئلة بتتناقش معاه في مواضيع الفيديوهات ومحتواها، بس هو قرر يرد على كل الأسئلة دي في كتابه الجديد، اللي بيقدم فيه تحليل شامل للراجل المصري.

الكتاب بالنسبة لقاسم مش مجرد تسلية، أو التسلية جزء منه لكن مش كله، بيشرحلنا: "كتابي رسالة مهمة وعميقة وحتى ساخرة، بدعو فيها الناس يشوفوا الأمور من منظور تاني وبنظرة أشمل، لو فضلنا نستخدم نفس الحلول اللي عفا عليها الزمن، مش هنوصل لحاجة أبدًا". "قاسم" شايف إنه نجح في حاجات كتير ومشاريع كتير، فليه مايجربش حاجة جديدة بيحبها؟ "مش بحب أكون متحاصر في حاجة واحدة مابشوفش نفسي غير فيها، وماحدش هيقدر يحقق حاجة لو حط نفسه في قالب واحد".

قاسم مش شايف إن ده هيكون آخر كتاب ليه، ومع نزول كتابه الأول، بدأ يفكر في المشروع اللي جاي، "كتابي اللي جاي هيكون عن تربية الأطفال بشكل صحيح، كمان الرجالة تقدر تستنى مني كتاب يفهمهم أكتر عن الستات، زي ما كتبت للستات عن الرجالة". كتاب "اعرفي راجلك وعلمي عليه" موجود في فيرجن ميجا لمدة شهر.

Home
خروجات النهاردة
Home
Home