في 2017 قرر عمر سمرة، المغامر المصري المعروف بتسلق الجبال، إنه يعبر المحيط الأطلنطي مع صديقه عمر نور، عشان يرفع الوعي عن قضايا اللاجئيين ومشاكلهم. قارب تجديف وأكل قليل وسط الموج لأيام طويلة، ده كان التصور عن الرحلة، لكن بعد أيام وفي وسط عاصفة خطيرة غرق المركب ومابقاش معاهم غير قارب نجاة، وبدل ما كانوا بيحكوا عن اللاجئيين عاشوا تجربة شبه تجاربهم في عرض المحيط.

بعد نجاتهم قرر المغامران إنهم يحكوا عن قصتهم في فيلم ويتكلموا عن معاناة اللاجئيين أكتر، قابلناهم في أول عرض لفيلم Beyond the Raging Sea في مهرجان الجونة وسمعنا منهم.