• اكتب معانا
  • ماتنسناش
  • تابعنا
الموضوع اللي جاي
وزارة الصحة: توزيع 25 عيادة متنقلة بطول طريق الساحل الشمالي
الموضوع اللي فات
"الأوقاف" تعاقدت مع "التموين" لتوفير 700 طن لحوم أضاحي للأسر المحتاجة

مهرجان أسوان لأفلام المرأة هيوثق معاناة الست المصرية في زمن الكورونا

.
مهرجان أسوان لأفلام المرأة هيوثق معاناة الست المصرية في زمن الكورونا

إدارة مهرجان أسوان الدولي لأفلام المرأة أعلنت البدء في توثيق حالة المرأة المصرية أثناء فترة انتشار فيروس كورونا، من خلال مشروع "نساء تحت الجائحة" بيتضمن شهادات مصورة لنساء من محافظات مختلفة.

السيناريست محمد عبدالخالق، رئيس المهرجان، قال إن المهرجان بيسعى لتوثيق المرحلة المهمة والفارقة في حياة المصريين من خلال المرأة، بحيث يتم توثيق اللي حصل للمجتمع من وجهة نظر الستات، وكل اللي حصل للست من تأثيرات للجائحة دي وضغوطها.

وأضافت الدكتورة عزة كامل، نائب رئيس مجلس أمناء المهرجان، إن المهرجان هيعلن على موقعه الإلكتروني وصفحته على "فيسبوك" تفاصيل وشكل الرصد ده، وإزاي أي ست مصرية تقدر تشارك بشهادتها فيه، وإن المهرجان هيبدأ في تحقيق شهادات مصورة من خلال شباب المتدربين بورش المهرجان في محافظات: أسوان، الإسكندرية والقاهرة، بمساهمات البنات والشباب اللي فازوا حصلوا بمنحة المهرجان للتدريب في ورش صناعة الأفلام خلال السنين اللي فاتت، وكذلك من خلال التعاون بين منتدي نوت لقضايا المرأة وبعض المؤسسات والجمعيات النسوية.

الدورة الخامسة من المهرجان هتعقد في شهر فبراير 2021، وهيتم الإعلان خلال الأيام الجاية عن بدء تلقي الأفلام الراغبة في المشاركة عن طريق الموقع الإلكتروني للمهرجان.

Home
خروجات النهاردة
Home
Home