أعلنت نتفليكس عن تعاونها مع هند صبري في مسلسل عربي جديد من بطولتها، وقالوا إن المسلسل هيكون درامي كوميدي وهند هتقوم ببطولته وكمان هتكون منتج منفذ لأول مرة، من خلال شركتها SALAM Production.

أحمد الشرقاوي، مدير الإنتاجات العربية الأصلية في نتفليكس قال إنهم متحمسين جدًا للشغل مع هند، خصوصًا إن المسلسل الجديد هيركز على قضايا المرأة والشركة واثقة من نجاحه. أما هند نفسها فأكدت إنها متحمسة للتجربة ومتحمسة كمان عشان هتكون منتج منفذ لأول مرة وإنها تقدم محتوى عربي يتعرض بشكل عالمي من خلال نتفليكس.

المتوقع إن المسلسل الجديد هيتصور في مصر وإنتاجه يبدأ في خريف 2020.