مهرجان الجونة السينمائي بدورة واحدة بس، قدر يججز لنفسه مكان وسط المهرجانات العالمية، والسنة دي رجع بالدورة التانية المُرتقبة عشان يرفع سقف توقعات المتابعين للمشهد الفني والسينمائي في الوطن العربي أكتر، سواء عن طريق حضور نجوم عالميين زي Sylvester Stallone و Owen Wilson و Patrick Dempsey، أو تخصيص الفعاليات للاحتفاء بتلاتة من أساتذة السينما العالميين وهما: فيديريكو فيللينى، وإنجمار بيرجمان، ويوسف شاهين.

وفي الدورة دي هيتعرض فيها 80 فيلم من مختلف الفئات وفي مسابقات مختلفة، وده عدد أكبر من الأفلام اللي تم عرضها السنة الفاتت. ده طبعًا بحضور عدد ضخم من النجوم وصناع الأفلام العرب والأجانب. عشان كل دول يتحركوا بحرية ويقدروا يلفّوا مدينة الجونة، لازم يبقى فيه وسيلة مواصلات سريعة وحديثة، وهنا جه دور Careem.

لو عمرك ما ركبت توكتوك في القاهرة، هتلاقي "كريم" بتقدمهولك في الجونة بس بشكل جديد شوية وبألوان أحلى، ولو مش عايز تجرَّب وبتحب اللي تعرفه، هتلاقي عربيات جولف تلف بيك المدينة كلها في دقائق معدودة، ولو ماشي مع صحبة والتوكتوك وعربية الجولف صغيرين عليكم، "كريم" عملت حسابها وجهِّزت لكم أوتوبيسات عشان تنقلكم للمكان اللي تحبوه.