الجهاز المركزي للتعبئة العامة والإحصاء، أعلن عن ارتفاع عدد حالات الإصابات بالأمراض المعدية بين المصريين لـ 91.5 ألف حالة إصابة في 2018، مقابل 86.8 ألف السنة اللي قبلها، بزيادة حوالي 5.4% في سنة واحدة.
الجهاز أوضح في تقريره، اللي نشرته "جريدة الدستور"، إن مرض الجديري في المركز الأول بالنسبة للأمراض المعدية المنتشرة بين المصريين، بعدد 39.1 ألف حالة إصابة في 2018، بعديه مرض التيفود اللي عدد الإصابات بتاعته وصلت لـ 16.1 ألف حالة عن نفس السنة.
في المركز التالت كان مرض بروسيلا، بعدد حالات وصل لـ 8337 حالة، وبعديه مرض الالتهاب الكبدى A بعدد 11 ألف حالة، مرض التهاب كبدى c بعدد 5078 حالة، مرض الغدة النكافية 4545 حالة، التهابات المخ 2227 حالة، التهاب سحائى صديدى 1735 حالة، الشلل الرخو 1246 حالة وأخيرا الحصبة 48 حالة.
