رئيس هيئة الدواء المصرية الدكتور تامر عصام، قال إن مصر بتتابع كل جديد في سوق الدواء العالمي، عشان تضمن إن أي علاج عالمي أو أي لقاح فعال ضد فيروس كورونا، يتم توفيره للمواطن المصري. تأكيدات رئيس هيئة الدواء كانت خلال اجتماعه مع الدكتور مصطفى مدبولي، رئيس مجلس الوزراء المصري.
رئيس هيئة الدواء استعرض عدد من اللقاحات اللي بيتعمل عليها تجارب دلوقتي، وأوضح إن في لقاح منهم وصل للمرحلة الأخيرة من التجارب السريرية، وده هيتم توزيعه في الدول النامية عن طريق منظمة التحالف العالمي للقاحات والتحصين الـ GAVI، ومصر مأمنة حصتها من اللقاح ده، بالتنسيق مع الجهات المختصة عالميًا.
"عصام" أضاف كمان غن مصر هتأمن حصتها من أي لقاح فعال تنتجه أي شركة في العالم، وكمان الهيئة المصرية للدواء مستعدة لتعبئة حصتها محليًا في حالة إن توريدها اتأخر بسبب الضغط على الشركات المنتجة.
