شركة "فودافون مصر" اتفقت مع شركة "ريتشارج" المتخصصة في تقديم خدمات المساج لموظفين الشركات، علشان يخففوا الضغوط على الموظفين خلال ساعات شغلهم، الصفحة نشرت على فيسبوك صور لموظفينها وهم بيعملوا مساج لموظفين فودافون، وتعتبر شركة "ريتشارج" أول شركة مصرية متخصصة في تقديم خدمات مساج للموظفين في الشركات.

هشام أبو طالب، صاحب شركة “ريشارج”، بيقول إنه فكر لما جه يأسس الشركة إنه عايز يقدم حاجة مختلفة وخدمة مش موجودة، وفي النهاية استقر على إن الشركة تقدم خدمات المساج لموظفين الشركات، وقال إن في مواصفات كتير لأي حد عايز يشتغل في الشركة منها إنه يكون خريج كلية تربية رياضية، ويكون درس مادة التشريج، بالإضافة لمهارات تانية بتحددها الشركة.