هاني رحال محامي في إسكندرية، خد عهد على نفسه إنه يساعد أي حد موبايله اتسرق، لدرجة إنه بقى قادر يرجع لحد ٤٠ موبايل في اليوم. بين موبايلات ضاعت من يومين وفي منها اللي ضاع من ١٠ سنين، حسب اللي نشره عنه موقع "الوطن"، هاني بيقدر من خلال محاضر شرطة وتوكيل قضايا وإذن النيابة، إنه يتتبع التليفونات المسروقة من خلال شركات المحمول ويرجعها خلال فترة قصيرة، أكتر فترة استهلكها عشان يرجع موبايل لصاحبه، كانت ٨ شهور. هاني قال للوطن في حواره معاهم انه كان بيعمل كدة بدون مقابل مادي لمدة سنة ونص بس ابتدى ياخد مبلغ رمزي مقابل السفر لمناطق بعيدة لانه بيكون مكلف. 

لو الحرامي رفض يسلم الموبايل المسروق، بيضطر يعمل محضر، وفي الحالة دي اللي سرق بيبقى مجبر يرجع الموبايل للنيابة. هاني بيساعد المواطنين بدون مقابل مادي، إلا في حالة السفر لأماكن بعيدة عشان يتتبع اللي سرق الموبايل، هاني قدر يرجع ٣٠ الف موبايل بفضل شبكة العلاقات اللي كونها. في حالة إن الموبايل رجع فيه خدوش أو أي كسر، بيجبروا الحرامي إنه يدفع تعويض مادي، وفي حالة إنه باظ خالص، بيجبروه يشتري واحد مكانه، ولو رفض بيتم اتهامه بالسرقة والأغلب بيدفع عشان مايتحبسش.