والد المصرية اللي اتقتلت في لندن هيتنازل عن القضية
مريم مصطفى، البنت المصرية اللي كانت ضحية للعنصرية في لندن، وتوفت بعد الاعتداء عليها، كان بيتم التحقيق في القضية بتاعتها عشان السلطات توصل للجناة ودوافعهم، لكن والدها مدحت مصطفى كشف في مفاجأة، إنه هيتنازل عن القضية ويختار راحة بنته، حسب تصريحاته لبرنامج "90 دقيقة".
السبب في قرار الوالد، هو إن الطب الشرعي بلغوه إن جثة بنته هتفضل محجوزة 12 أسبوع عشان تتشرح بعد ما كان مفروض التشريح ماياخدش أكتر من 3 أسابيع. رغبة الوالد في دفن جثة بنته بسرعة، خليته يقرر يتنازل عن القضية، في حالة إن الطب الشرعي صمم يحتفظ بالجثة كل المدة دي.