تم اكتشاف حفرية إصبع بترجع لـ 90 ألف سنة في صحراء النفود في المملكة العربية السعودية، وده بيخلي العلماء يفهموا حاجات أكتر عن خروج الجنس البشري من أفريقيا للعالم كله، وقال الباحثون إن عظمة العقلة الوسطى اللي تم اكتشافها، هي إصبع شخص بالغ وهي أقدم حفرية للإنسان العاقل الأول "هومو سابينس" بره أفريقيا ومنطقة الشام، وأول حفرية في شبه الجزيرة العربية، ورغم إن دلوقتي صحراء النفود عبارة عن بحر واسع من الرملة، لكن زمان كانت مراعي وفيها حياة برية ومياه عزبة.

الجنس البشري ظهر في أفريقيا من 300 ألف عام وكان العلماء فاكرين إنه خرج من أفريقيا من 60 ألف سنة لكن الحفرية دي أثبتت غير كده.

هيو جروكات عالم الآثار في جامعة أوكسفورد قال إنه تم أيضًا اكتشاف حفريات حيوانات، منها افراس النهر والأبقار البرية والظباء والنعام وأدوات حجرية استخدمها الصيادين.