وزارة الصحة والسكان خرجت أكبر دفعة لعلاج الإدمان في تاريخ كل مستشفيات أمانة الصحة النفسية وعلاج الإدمان، الدفعة دي خرجت ناس متعافين من الإدمان بزيادة 220% عن الدفعات اللي فاتت. الدكتور وائل فؤاد، مدير مستشفى الخانكة للصحة النفسية، قال إنهم احتفلوا يوم الخميس بتخريج 100 متعافي من الإدمان بعد ما قعدوا يتعالجوا سنة كاملة، سواء داخل الخانكة أو عن طريق العيادات الخارجية.

أوضح كمان في تصريحاته لموقع "الوطن"، إن الدفعات عادة بتكون 40 متعافي لكن المرة دي وصلوا ل100، وحسب كلامه، ال100 متعافي ماحصلتش ليهم أي انتكاسة. العلاج في مستشفيات وزارة الصحة بيكون بالمجان بالتعاون مع صندوق مكافحة الإدمان، كل اللي المطلوب إنك تحط مبلغ 450 جنيه كتأمين في المستشفى وأنت داخل تتعالج، لإثبات الجدية، وتقدر تستردهم تاني وأنت خارج. 

صورة الموضوع أرشيفية