• اكتب معانا
  • ماتنسناش
  • تابعنا
الموضوع اللي جاي
"في الكنافة".. تحليل الموسيقى التصويرية لمسلسلات رمضان 2018
الموضوع اللي فات
حوار مع صاحبة "Farida Hookahs" اللي بتصدر الشيشة المصرية للعالم

توفير ربع مليون متر مكعب يوميًا من المياه بعد غرامات الرش في الشارع

رش الميّة عداوة

حسب الإحصائية اللي صدرت من شركة مياه الشرب في القاهرة، تم ترشيد ما لا يقل عن ربع مليون متر مكعب كانت بتُهدر في الفترة الأخيرة، يعني حوالي 100 مليون متر مكعب سنويًا.
الإحصائية صدرت بعد ما أصدر محافظ القاهرة إجراءات للحد من إهدار المياه، وشدد على رؤساء الأحياء بالتصدي للمخالفين بتحرير محاضر بيئة واتخاذ كل الإجراءات القانونية، ووصلت الغرامات لـ10 آلاف جنيه للي بيستخدم المياه بشكل مسرف، وتم تطبيق الغرامات على اللي بيغسلوا العربيات أو بيرشوا مياه في الشارع.

وبدأت الأحياء في تطبيق القرار، وقال رئيس حي الأميرية في تصريح، إن بيتم تصوير السيارات اللي بيتم غسيلها في الشارع وإخطار الإدارة العامة لمرور القاهرة بأرقامها ومنع تجديد التراخيص لحين سداد غرامة محضر البيئة –وفق لقانون رقم 4 لسنة 1994- بالإضافة لإنه تم تحرير أكتر من 60 محضر ضد كل اللي بيستخدموا مياه بإسراف في الشارع.

محافظ القاهرة أعلن عن تكريم رؤساء الأحياء المتميزين في تطبيق القرار، بسبب دورهم الإيجابي وتوعيتهم لسكان أحيائهم بأهمية وضرورة ترشيد المياه.

Home
خروجات النهاردة
Home
Home