بانوراما الفيلم الأوربي من الحاجات اللي ليها جمهور بيحبها وبيستناها كل سنة. السنة دي هتكون الدورة العاشرة، الجديد فيها إنها لأول مرة هتخرج بره القاهرة، وهتوصل ل10 مدن تانية في محافظات مختلفة. الدورة العاشرة هتلاقي أفلامها في سينما زاوية بوسط البلد وسينما الزمالك ومعهد غوته الألماني والمعهد الثقافي الفرنسي، دور سينما في الإسكندرية والإسماعيلية وبورسعيد والمنصورة والزقازيق ودمياط والمنيا وقنا وأسيوط.

 

البانوراما هتبدأ هتكون من 8 ل 18 نوفمبر بمشاركة 55 فيلم من 26 دولة أوروبية. الأفلام من دول النمسا وبلجيكا وبلغاريا وكرواتيا والدنمرك وأستونيا وفنلندا وفرنسا وجورجيا وألمانيا واليونان والمجر وأيسلندا وأيرلندا وإيطاليا وليتوانيا وبولندا وهولندا والبرتغال ورومانيا وبريطانيا وأوكرانيا وصربيا وإسبانيا والسويد وسويسرا.