عروض أوبرا عايدة هتتعمل في أهرامات الجيزة، يومين الخميس والجمعة 8 و 9 مارس 2018، وهتستمر لمدة تلات  سنوات متتالية هتبدأ سنة 2018 في الأهرامات، و2019 فى معبد حتشبسوت في الأقصر، وسنة 2020 هتنتهي الفعالية. وده بمناسبة مرور 150 سنة على تنظيم أوبرا عايدة، اللي بتمثل تعاون حضاري يجمع بين 3 حضارات مصرية أفريقية أوروبية تضم فرنسا وإيطاليا.

وأكد رئيس الشركة المنظمة لعروض أوبرا عايدة، "ياسر مصطفى"، إن العروض بتهدف لإستخدام قوة مصر الناعمة -الموسيقى والفن- في تغيير الصورة الذهنية عن مصر وجذب السياح. وقال إنهم لو حضور أوبرا عايدة في مسرحها الطبيعي التاريخي هيبقى حققوا حلم من أحلام عشاق الموسيقى في كل مكان. وأوضح في مؤتمر صحفي انعقد في مسرح الصوت والضوء عند أبو الهول إن نسبة إشعال فنادق القاهرة خلال الفترة من 8 إلى 11 مارس السنة دي حوالي 75%  وفنادق الهرم تحديدًا 100%.

أسعار تذاكر بيع حفلة أوبرا عايدة فى كل دول العالم تتراوح بين 100 لـ 500 دولار، واتعاقدوا مع وكالات عالمية للترويج والتسويق لحجز تذاكر الحدث في ألمانيا واليابان. ولحد دلوقتي اتباع 3 آلاف تذكرة، 90% منهم للأجانب.

مدة عرض أوبرا عادية هتكون 3 ساعات هيبدأوا من الساعة 7، وهيضم العرض 530 فنان منهم 8 أجانب إلى جانب 34 الأوركسترا والباقي فنانيين مصريين، بإخراج المصري "عبدالله سعد". قايمة الفنانيين الأجانب هتضم قائد الأوركسترا "ديفيد كريشنزى"، و "دراجانا راداكوفيك" هتعمل دور عايدة, و "داريو دي فيتري" هيعمل دور قائد الجيش راداميس.

الأوبرا هتتقدم على مسرح طوله 1500 متر، سعته 3 آلاف كرسي، مزين بديكورات ملكية لتمثيل الحضارة المصرية القديمة فى خلفيتها أبو الهول وأهرامات الجيزة.

"ياسر مصطفى" رئيس الشركة المنظمة لعروض أوبرا عايدة