المكان، مدينة شبين الكوم في محافظة المنوفية، الحدث، افتتاح سينما جديدة، بعد ما كان كل سكان المدينة اللي عاوزين يتفرجوا على سينما، بيروحوا قصر ثقافة شبين يوم في الأسبوع، وبعد ما كل السينمات في المكان اختفت تدريجيًا. موقع "مصراوي" اتكلم محمد شوشة، المدير الإعلامي لمشروع "سيما" في شبين الكوم، واللي قال إن كان في إقبال كبير، لدرجة إن الناس بقت بتقعد على سلالم السينما.

قال "شوشة" لـ"مصراوي"، إن الإدارة المسؤولة عن المشروع، اختارات المكان ده بالذات علشان المنوفية محافظة كبيرة، وشبين مافيش فيها سينمات، لكن كمان في خطة علشان يعملوا أكتر من سينما في الأقاليم. السينما بدأت أول عروضها ببلاش علشان تشجع الناس يجربوا، وفي الوقت الحالي بيعرضوا أحدث أفلام موجودة في السوق زي أي دار عرض تانية، وبيعملوا 6 حفلات في اليوم.