وزارة التربية والتعليم، قررت إنها تقفل مدرسة "الشويفات" في التجمع الخامس لمدة 3 أيام، بسبب الاشتباه بوجود مرض "الالتهاب السحائي" بين الطلاب. كان فيه حالة من الذعر أصابت أولياء الأمور بعد ما في طالب اتعرض لحالة تعب وقئ شديد، وتم الاشتباه في إصابته بمرض الالتهاب السحائي. ده تاني طالب فى نفس المدرسة يكون في شك إن عنده نفس المرض.

وزارة الصحة طمنت أولياء الأمور وقالت إن المرض مش موجود في مصر وإن حالات الإصابة بالمرض ده، عشر حالات سنويًا، بسبب التطعيمات الدورية اللي الوزارة بتعملها للطلبة، لكن كإجراء وقائي، وزارة الصحة قررت برضه إنها هتعقم المدرسة بشكل كامل. اللي حصل بعد الكشف على الطلاب، إنه اتضح إنهم مصابين بالتهاب فيروسي في المخ مش التهاب سحائي.