مجلس النواب وافق مؤخرًا على مشروع إنشاء وكالة فضائية مصرية، وده هيترتب عليه شوية حاجات، زي إننا هنعمل قمر صناعي مصري في يوليو 2018 بالتعاون مع اليابان. خالد عبد الغفار، وزير التعليم العالي والبحث العلمي، شكر البرلمان على قراره وموافقته وأكد على موضوع القمر الصناعي المصري.

القمر ده الجديد فيه، إنه مكوناته هتكون 70% بإيد مهندسين مصريين وإن حتى وحدة التحكم والكاميرا اللي هتتركب على القمر، هتكون صنع في مصر، والتحكم هيكون بالذكاء الاصطناعي.