• اكتب معانا
  • ماتنسناش
  • تابعنا
الموضوع اللي جاي
المجلس الأعلى للإعلام هيحدد مواضيع المسلسلات
الموضوع اللي فات
دبي هتحول النفايات الصلبة لطاقة كهربائية تكفي 120 ألف بيت

بنتين فتحوا شركة لسياحة الأكل في مصر

البلد المية مليون كرش

 معروف إن الناس بتسافر عشان تتفرج علي الآثار والسياحة، ويمكن في جزء بينسى حاجات أهم زي الأكل، اللي يعتبر من أكتر الحاجات اللي ممكن تعبّر عن ثقافة أي بلد، من أول إنك تلم المكونات اللي هتطبخ بيها، مرورًا بإنك تطبخها فعلا، لحد ما توصل لأهم مرحلة، تجربة الأكل نفسها

المنطق ده هو اللي طلعلنا شركة "Bellies En Route"، اللي أسسها اتنين بنات أكيلة، وهم ليلى حسب الله ومريم نزار. مريم وليلى في الأساس مصممين جرافيك، حبهم للأكل خلاهم يفتحوا شركة مصرية ١٠٠٪ متخصصة في الأكل، وبتشرف على عمليات طبخ في مصر والعالم كمان، بيقولولنا “الموضوع كله ابتدى لما كنا بنقضي آخر يوم لينا في بولجانا وطلبنا "لازنيا" وكانت من أوحش الحاجات اللي كلناها في حياتنا، من ساعتها خدنا عهد على نفسنا نوري الناس أحسن أماكن ممكن ياكلوا فيها خلال سفرهم”. الرحلات اللي بيقدموها بتاخد الناس لفة في الأماكن السياحية في وسط البلد، وخلال ده بيقفوا ٦ مرات في مواقع مختلفة عشان يجربوا الأكل.

شغل مريم وليلي لقي تفاعل من الناس وتعليقات إيجابية كتير، ناس من أستراليا، كندا وأمريكا، أدوهم تقييمات ماتخرش المية على مواقع مهمة زي TripAdviser، وده حط اسمهم في مكان عالي ومهم في السوق المصري. الموضوع مش بس وسط البلد، الشركة بتقدم رحلات في مزارع، تقدر تزرع وتحصد فيها المكونات اللي هتستخدمها بعد كدة في الطبخ، أما بقي لو عندك أي بواقي أكل مش محتاجها، الشركة بتساعدك توصلها لناس ممكن يكونوا محتاجينها أكتر منك.

 

لو حابب تجرب ادخل على موقعهم او الفيسبوك او انستجرام، وادعيلنا

Home
خروجات النهاردة
Home
Home