"كلمة حلوة وكلمتين حلوة يا بلدي"، الأغنية اللي بيرددها المصريين وغنتها "داليدا" رغم إن داليدا كانت من أصل إيطالي، إلا إنها اتولدت وعاشت حياتها في مصر، أو حسب ما بتقول في الأغنية في شبرا، لكن بعد كدة راحت فرنسا واتعرفت هناك واشتهرت أغانيها لحد ما انتهت حياتها نهاية ماسأوية بالانتحار. 

المعهد الفرنسي في مصر بيكرم داليدا بعد مرور 30 سنة على وفاتها بـ3 أيام كلهم عن حياتها ومسيرتها. هيبدأوا من يوم الثلاثاء 17 أكتوبر اللي هيكون فيه عرض فيلم "داليدا" اللي بيحكي عن قصة حياتها. يوم 18 أكتوبر هيبدأ الساعة 7 بعرض فيلم سيجارة وكأس، والساعة 9 عرض فيلم اليوم السادس، ويوم 19 أكتوبر هينتهي التكريم بعزف وغنا لأغاني داليدا. 

علشان تحضر حفلات اليوم الأخير لازم تسجل من هنا. وممكن تعرف أكتر عن الايفنت من هنا.