التحقيق مع مسجون بيتاجر في الفلوس المزورة جوّه سجن النهضة
قوات الأمن في سجن النهضة، قدرت تمسك مسجون بيتاجر في العملات المزورة داخل السجن، بمساعدة أخو مراته. الموضوع اتعرف لما قوات الأمن -بشكل معتاد- كانت بتفتش زيارة سماح.ا، أخت المسجون، أثناء زيارة أخوها، بعد التفتيش لقوا في شنطتها مبالغ مالية من عملات مصرية وأجنبية مزورة، سألوها وعرفوا منها إنها جايبة الفلوس المضروبة دي لأخوها.
اتضح إن أخوها ممشي نفسه بالفلوس دي جوه كافتيريا السجن، وبيتاجر وعامل أحلى شغل. التحقيقات كمان قالت إن المسجون بينصب على زمايله بالفلوس دي، ولما اتسأل، اعترف بكل حاجة.