صحيفة "تليجراف" البريطانية، قالت إن مسجد في بريطانيا أعلن إن التعامل والتبرع بعملة البيتكوين الرقمية "حلال" ومقبولة شرعًا لو تم التعامل معاها بطريقة قانونية، وبكده يكون أول مسجد في المملكة المتحدة اللي هيقبل تبرعات بالعملات الرقمية. 
المستشارين الدينيين فى المسجد المعروف باسم Shacklewell Lane فى دالستون في شرق لندن، قالوا إن العملة حلال لو تم "التعامل معاها بطريقة قانونية".

المسجد أعلن إن المسلمين ممكن يستخدموا عملتين الـ"بيتكوين" و"إثيريم" لما يدفعوا الزكاة، وهيتم استخدامات التبرعات في القيام بإصلاحات في المسجد، وتقديم المساعدات للعائلات اللي بتكافح عشان تدفع تكاليف الجنازة والمأوى وإطعام الفقراء.