احنا ماكناش المدينة الفاضلة زمان، ولا هنكون، ولا في مدينة فاضلة أصلًا في أي حتة! عشان كده ماتستغربش لما تعرف إن كان في معاكسات زمان أو حتى تحرشات لفظية. الاختلاف دايمًا كان في الأسلوب، يعني زي ما كل زمن كانت ليه عاداته وتقاليده وفنه وثقافته، كان ليه برضه طرق المعاكسة بتاعته.

لو حبينا نرصد ازاي الرجالة كانت بتعاكس الستات زمان وازاي الموضوع اتطور، وصولًا للوقت اللي الراجل بيقول فيه للست "جسمك محتاج خرايط وأنا قلبي بجد شايط"، ممكن نلجأ للسينما كمثال. في الفيديو ده جمعنا مشاهد من أفلام سينما تقدر تعرف منها ازاي الشقط اتطور.