9 أفلام يستاهلوا تشوفهم في بانوراما الفيلم الأوروبي
النهاردة هيبدأ الحجز للدورة الـ 11 من بانوراما الفيلم الأوروبي اللي بدأ في القاهرة من 2004، البانوراما للي مايعرفش كتير هي فعالية بتقييمها سينما زاوية المستقلة لعرض الأفلام غير الأمريكية. في الدورة دي هيعرضوا 65 فيلم من مختلف دول أوروبا من يوم 7 نوفمبر ليوم 17 نوفمبر.
من وسط 65 فيلم هيتعرض، فيه 5 أفلام اترشحت لجوائز الأوسكار في فئة الأفلام غير الناطقة بالإنجليزية، و 7 أفلام اتنافسوا على السعفة الذهبية في مهرجان "كان".
لو محتار ومش عارف تحدد أولوياتك في المهرجان، في الليست دي هنشرحلك أهم أفلام تشوفها.
لو شفت فيلم Ida وحبيته، لازم تحط Cold War على رأس قائمة أولوياتك في المهرجان ده لإنه من إخراج البولندي بافل بافليكوفسكي، اللي فاز بيه بجائزة أحسن مخرج في المسابقة الرسمية لمهرجان كان الفرنسي.
الفيلم بيحكي عن قصة حب بين مؤلف موسيقي ومغنية علاقتهم مش ماشية على وتيرة واحدة، بيفترقوا ويرجعوا لبعض، بيسافروا ويرجعوا يلتقوا، وفي الخلفية الحرب الباردة بتبدأ وتشتد في مزيج السياسة/الحب.
الفيلم هيتعرض أكتر من مرَّة في المهرجان، يوم الجمعة 9 نوفمبر في مقر سينما زاوية في سينما دنيا كريم في شارع عماد الدين، والجمعة 16 نوفمبر بسينما الزمالك.
الفيلم مشارك في فئة: الأفلام الروائية الطويلة
الفيلم له اسم تاني وهو Summer، بيدور حوالين 3 شباب حلمهم يلعبوا مزيكا مستقلة في روسيا وقت الإتحاد السوفيتي. المزيكا والحب والسياسة، الثلاث المواضيع العامة التقوا في نقطة واحدة عند أبطال الفيلم، وباستخدام المزيكا كوسيلة حاولوا يوصلوا لغاية مختلفة تمامًا.
الفيلم هيتعرض يوم السبت 10 في سينما الزمالك ويوم
الفيلم مشارك في فئة: الأفلام الروائية الطويلة
أحدث أفلام المخرج الإيطالي ماتيو جاروني، شارك في الدورة الـ 71 من مهرجان كان بعد ما رشحته إيطاليا لتمثيلها في المهرجان، بطله مارشيلو فونتى فاز بجائزة أفضل ممثل.
قصته مأخوذة من قصة حقيقية حصل في التمانينات، وبتدور حوالين "مارشيللو"، صاحب صالة مخصصة للكلاب، بيتاجر في الكوكايين وعايش مع طفلته بس، وبيتورط في مشاكل بسبب صديقه الملاكم السابق "سيموني"، المشكلة بتمتد لإنه بيدخل السجن بداله بناءًا على اتفاق مالي ما مابيتمش. بعدها أحداث الفيلم بتاخد مسار مختلف
فيلم Dogman هو واحد من المرشحين لجائزة الأوسكار كأفضل فيلم ناطق بغير الإنجليزية، وهيتم عرضه في المهرجان يوم الخميس 8 نوفمبر بسينما زاوية، والخميس 15 نوفمبر بسينما الزمالك.
الفيلم مشارك في فئة: الأفلام الروائية الطويلة
إيطاليا ليها نصيب كبير من الأفلام المشاركة في المهرجان، ده الفيلم الإيطالي الثالث ف الليست وهو برضه الفيلم الثالث لمؤلفته ومخرجته الإيطالية الشابة أليس رورواتشر. "سعيد كلادزارو" شارك في المسابقة الرسمية لمهرجان "كان" وفازت مؤلفته بجائزة أفضل سيناريو مناصفة مع فيلم إيراني.
بيحكي الفيلم قصة "ﻻدزارو" الفلاح اللي بتجبره ظروفه يعيش في ظروف أقرب ما تكون للعبودية عند سيدة إقطاعية.
الفلم هيتعرض 3 مرَّات في المهرجان، في أيام الجمعة 9 نوفمبر في سينما الزمالك، والاثنين 12 نوفمبر، والخميس 15 نوفمبر بسينما زاوية.
الفيلم مشارك في فئة: الأفلام الروائية الطويلة
أول أفلام المخرج الفرنسي خافيير لوجراند عشان ده مشارك في فئة المخرجون الصاعدون. كمان سبق وشارك في المسابقة الرسمية لمهرجان فينيسيا السينمائي، وفاز المخرج فيها بجائزة أفضل مخرج.
الفيلم بيتكلم عن علاقة زواج فاشلة، بنعيشها ونشوف ملامحها من خلال الإبن "جوليان" اللي فيه صراع على حضانته، زي ما هو باين من إسم الفيلم "حق الحضانة".
الفيلم هيتعرض أيام الثلاثاء 13 نوفمبر بالمعهد الفرنسي في المنيرة، والأربعاء 14 نوفمبر بسينما زاوية، والسبت 17 نوفمبر بسينما الزمالك.
الفيلم مشارك في فئة: مخرجون صاعدون
فيلم للمخرج لوكاس دونت، هيتعرض ضمن فئة مخرجون صاعدون. الفيلم أخد جائزة الكاميرا الذهبية كأفضل عمل أول، كمان فاز بطله فيكتور بولستر بجائزة أفضل ممثل فى قسم "نظرة ما" في الدورة الـ71 من مهرجان كان السينمائي.
بتدور أحداث الفيلم حوالين "لارا" صاحبة الـ 15 سنة اللي اتولدت فى جسد ولد بس هي نفسها تبقى راقصة باليه.
الفيلم هيتعرض يوم السبت 10 في سينما الزمالك ويوم الجمعة 16 في سينما زاوية.
الفيلم رشحته الدنمارك لتمثيلها فى مسابقة الأوسكار في فئة أفضل فيلم غير ناطق بالإنجليزية، هو العمل الأول للمخرج جوستاف مولر، وفاز بجائزة الجمهور فى مهرجان "روتردام".
أحداثه بتدور حوالين مكالمة استغاثة بتيجي لظابط شرطة شغَّال في النجدة، على الخط بيكون فيه صوت ست تعرضت للخطف، وقبل ما ياخد معلومات كفاية السكة بتتقطع. وبيبدأ الظابط يدخل سباق من الزمن لإنقاذ الست اللي مايعرفش عنها حاجة.
هيتعرض الفيلم يوم الجمعة 9 نوفمبر في سينما زاوية، والاثنين 12 نوفمبر في سينما الزمالك.
الفيلم مشارك في فئة: المخرجون الصاعدون.
معظمنا متخيل إن الأفلام الوثائقية كلها مملة، الفيلم ده غالبًا هيغيير نظرتك للسينما الوثائقية ككل.
الفيلم بيحكي قصة "كيزيلو" الفلاح الكيني اللي بدأ من خمس سنين في تصوير حياته اليومية هو وأسرته والفلاحين في قريته لتوثيق أضرار تغير المناخ على النشاط الزراعي.
بيقابل "كيزيلو" صانعة الأفلام النرويجية Julia Dahr، مخرجة الفيلم، اللي بتسجل قصة تحوله من فلاح بسيط لزعيم وناشط في المجتمع المدني العالمي.
الفيلم هيتعرض يوم الاثنين 12 نوفمبر بسينما الزمالك ويوم الثلاثاء 13 نوفمبر بسينما زاوية.
وعشان المهرجان مش للكبار بس، تم تخصيص قسم جديد بإسم "أفلام الأطفال والأسرة"، فيه أكتر من فيلم واحنا بنرشحلكم الفيلم ده.
فيلم أنيمشن عن علاقة صداقة بتربط "زوكيني" وضابط الشرطة "ريموند" اللي بيصحبه لملجأ للأيتام هيقابل فيه مشاكل كتير، لكن بفضل الصداقة دي هيقدر يتعايش.
الفيلم اترشح لجوائز الأوسكار والجولدن جلوب والبافتا. وفاز بالفعل بجائزة أفضل فيلم رسوم متحركة بجوائز الفيلم الأوروبي سنة 2016.
هيتعرض مرة واحدة في سينما زاوية يوم الجمعة 9 نوفمبر.
الأفلام كلها هتتعرض في محافظات مختلفة، في القاهرة العروض هتكون في سينما دنيا كريم بشارع عماد الدين -مقر سينما زاوية الجديد- وسينما الزمالك بالزمالك والمعهد الثقافي الفرنسي في المنيرة ومعهد جوتة. وفي إسكندرية هيتم العرض في سينما أمير، وفي محافظات بورسعيد والإسماعيلية والجونة، وهيبقى فيه عرض وحيد في أسيوط ودمياط والمنصورة والمنيا وقنا والزقازيق.
الأفلام كلها بترجمة إنجليزية وبعضها بترجمة كمان عربي، وفي الدورة دي فيه قسمين جداد، بكده تبقى الدورة الجديدة من بانوراما الفيلم الأوربي فيها 7 أقسام؛ السينما السيريالية، أفلام الأسرة والطفل، قسم خاص بسينما المخرج السويدي انجمار برجمان، قسم الأفلام الروائية الطويلة، وقسم مخرجون صاعدون، وقسم الأفلام التسجيلية، وقسم علامات سينمائية، والمفروض إن يتم إعلان أسماء أفلام كل قسم اليومين الجايين.
