الصوم في رمضان مش بس صوم عن الأكل، ممكن يبقى صوم عن كل عادة سيئة او حاجة عايزين نبطلها.
وفي لمة شهر رمضان اللي دايما بيجمعنا ويقربنا بالخير، شركة إنرشيا بتكمل حملتها "الصوم الديجتال للخير" عشان تجمع الناس للسنة التالتة على التوالي.
الفكرة دى ظهرت لأن السوشيال ميديا والموبايلات جزء اساسى من حياتنا وهى الطريقة اللي بنتواصل بيها، ومن هنا الشركة قررت تجمع الناس، من خلال الصوم عن الديجتال ( سوشيال ميديا ) و إنك تقرب اكتر من عيلتك وأصحابك واللي تعرفهم.
إنرشيا هتتعاون مع بنك الطعام المصري خلال عطلات شهر رمضان، هتتفق مع مطاعم معينة وهيكون فيها صناديق آمنة تقدر تسيب فيها موبايلك وتقفل عليه او تحطه يتشحن بمحطة شحن متنقلة وهي مقفول عليها، في الوقت اللي انت بتقعد فيه مع عيلتك وأصحابك في المطعم وتستمتع بوقتك بشكل حقيقي وواقعي وانت شايفهم و بتتواصلوا من بعض اكتر.
فمع كل نص ساعة هتسيب فيها موبايلك هيتم التبرع بأربع وجبات للمحتاجين خلال شهر رمضان الكريم. فبحسبة بسيطة لو إنت قعدت ساعتين هتساهم في توفير ١٦ وجبة للمحتاجين. يعني هتستمتع بوقتك وكمان هتعمل خير.
إنرشيا بدأت الحملة دي عشان لاحظوا إن المجتمع كله بقى متيم ومشغول بالإنترنت طول الوقت وده بيقلل من التواصل الاجتماعي، ووفقا للأبحاث اللي عملتها شركة Dscout المستخدم بيبص لموبايله ٢٦١٧ مرة في اليوم، وعشان كده شركة إنرشيا بدأت مبادرة الصوم الديجتال للخير عشان نسيب موبايلاتنا في شهر رمضان.
البداية الناجحة للحملة بدأت الإسبوع الى فات فى and Social House Bocca Eatery،Crave ، The-Platform. وتم التبرع ب700 وجبة للمحتاجين!
لو إنت من الناس إللى عايزة تجرب الصوم الديجيتال و تستمتع أكتر برمضان تعالى الإسبوع ده فى
Capital Promenade، Crave Waterway، و أخيرا (Serena Eatery (The Platform.