فندق في مرسى علم من أكبر الفنادق هناك، اصطاد سمكة "نابليون" المهددة بالانقراض والمحظور صيدها عالميًا وحطها ضمن بوفيه السمك في مدخل المطعم، وكان بيبع الكيلو منها للسياح بـ100 دولار. السياح الألمان لما اكتشفوا الموضوع بلغوا عنه، وهددوا بسحب كل حجوزاتهم من الفندق، البلاغ اللي بيخص مكتب المحميات بيتم التحقيق فيه دلوقتي.

أحمد غلاب مدير المحميات قال إن السمكة دي على أول قائمة الكائنات اللي بيحميها القانون المصري من الإنقراض وبيمنع صيدها، وغرفة المنشأت الفندقية وزعت ورقة على كل الفنادق بالتوعية بالكائنات البحرية المهددة بالانقراض والمحظور صيدها عشان الموضوع مايتكررش. وزارةة البيئة قالت في بيان ليها إنهم كتبوا تعهد على صاحب الفندق إنه مش هيعمل كدة تاني.