النهاردة الصبح مات 8 مسلحين في منطقة العجوزة بالجيزة. اللي حصل -حسب اللي نشرته سكاي نيوز نقلًا عن مصادر أمنية- إن كان في مداهمة من قوات الأمن لشقة سكنية فيها مجموعة مسلحين، وحصل تبادل لإطلاق النار بين قوات الأمن والمسلحين، واحد من المسلحين فجر نفسه، فكل ده نتج عنه في الآخر وفاة 7 أشخاص وفي إصابات بين أفراد الشرطة.

مصدر أمنى قال إنهم وصلتهم معلومات بتقول إن في شقة في منطقة العجوزة، عناصر إرهابية بيستخدموها علشان يخططوا لعمليات إرهابية، القوات راحت تقتحم المكان، وأول ما وصلوا في واحد فجر نفسه، وحصل تبادل إطلاق نار بين المسلحين وعناصر الشرطة. عدد الإصابات بين أفراد الشرطة 5 إصابات.